அறுசுவை!!

பாலோடு சர்க்கரை
கலக்கும் போது
ஞானம் பிறந்தது
உணவும் உறவும் ஒன்றென்று..

என்றும் எதிலும் தேவைப்படும்
அளவான உப்பாய் சில உறவுகள்..

அன்றாடம் சுவை கூட்டும்
சர்க்கரையாய் சில உறவுகள்..

கசக்கும் பாகற்காயை இருந்தும்
மனதிற்கு இதமாய் சில உறவுகள்..

நினைத்தாலே அன்பு ஊறும்
சில உறவுகள்..

வார்த்தை தீயில்
ருசி மாறி விடும் சில உறவுகள்..

தித்தித்த அன்பால்
திகட்டும் சில உறவுகள்..

இனிமேல்
வெறுக்க போவதில்லை
யாரையும் - வாழ்க்கையும்
இருந்துவிட்டு போகட்டும்
சரிவிகித உணவாய்..